Pupusing Laku
Ciput Bagusworo
Tak pecaki dalan iki
Nglilang
Ngliling
Nglilang-ngliling
Aku dhewe tanpa rowang
Tak pecaki dalan iki
Dalan tanpa teja
Tanpa swara
Tanpa jalma
Suwe anggonku lumaku
Kok during ketemu kang tinuju
Tak pecaki dalan iki
Tak ambali
Tak baleni
Nanging amung pupus kang tinemu
Tanpa guna
Nadyan wis tak coba
Ngubengi bumi
Mideri jagat
Aku kaya wong kang sekarat
Tak pecaki dalan iki
Dhewe tanpa rowang
Bumi tunjungan purwa warsa 2009
Bukti Sejati
Ciput Bagusworo
Ora …
Ora ana kang bisa
Nadyan sektine ra mekakat
Ibarat kaya bisa njaring langit
Ora…
Ora ana kang kuwawa
Nadyan duwea rangkep nyawa
Ibarat duwe pancasona
Nanging yen kabeh wis kinersa
Ora ana kang bisa nggawa
Apa maneh menggak
Iki minangka bukti
Bukti kang ora mung janji
Nanging bukti sejati
Yen wis pesthi
Apa wae bakal dumadi
Dumadi tanpa kendhali
Ora…
Ora ana kang kuwawa
Nadyan duwea rangkep nyawa
Ibarat duwe pancasona
Bumi tunjungan purwa warsa 2009
opo wis bener ngurusi basa jawa anake kok jenenge londo ????????????????
BalasHapusIya ... ya, Kakangmas.
BalasHapusMas, mana materi bahasa jawanya?
BalasHapus